Учениците Глигор Иваноски, Леона Фукароска, Никола Здравески, Софија Иваноска и Марин Христоски, под менторство на професорката Александра Ристевска, успешно учествуваа на Европското првенство по географија кое се одржа на 29 и 30 мај 2026, во Берлин, Германија.

Со своето знаење, посветеност и натпреварувачки дух, тие испишаа историја како први и единствени учесници од Македонија на ова престижно меѓународно академско натпреварување.
Нивното учество претставува значаен успех и инспирација за младите таленти во нашата држава.
Натпреварот собра ученици од бројни земји од Западна Европа, меѓу кои Велика Британија, Швајцарија, Германија и Франција, а меѓу учесниците имаше и претставници од Обединетите Арапски Емирати (ОАЕ), што дополнително ја потврдува неговата меѓународна важност и високото ниво на академска конкуренција.
Им честитаме за храброста да се натпреваруваат на европско и меѓународно ниво, за достојното претставување на Македонија и за покажаната љубов кон географијата.
Посакуваме ова искуство да биде поттик за уште поголеми успеси во иднина.
Официјална веб страница на СОУ Гимназија „Мирче Ацев“ Прилеп
Сите права ги задржува gimprilep.edu.mk
Copyright © 2010 - 2026