МК | EN | FR | DE
По повод 22 март, Денот на планетата Земја, гимназијалците од Еко клубот организираа и заедно со професорите реализираа низа активности. Целта на активностите беше подигање на еколошката свест кај учениците, грижа за животната средина, разубавување на училишниот двор и самото училиште, мотивирање на учениците да мислат, да творат и секогаш да дејствуваат во заштита на природата и животната средина.
Активностите на гимназијалците започнаа утрото на 22 април кога група ученици организирани како еко-патрола во поширока обиколка на нашиот град направија фотографии кои сведочат за нашата неодговоронст, некултура и негрижа за средината во која живееме. Од тие фотографии потоа направена беше дигитална галерија која беше прикажана пред поголем број ученици и професори.
Преку училишнава веб страна фотографиите може да ги видите и вие:
Фотографиите ги направија учениците, но тоа што е фотографирано го направија несовесни жители на нашиов град кои наместо во контејнер, ѓубрето го фрлиле во соседството, во реката, во најблиската околина, на улица, во најблискиот напуштен објект или во неговиот двор. Одговорноста е на поединци, но и на целото општество кое не посветува доволно внимание на еколошките прашања.
Во исто време додека група ученици фотографираа отпадоци и мини депонии низ градот, друга група ученици и професорката по биологија Снежана Спиркоска, хортикултурно го уредуваа училишниот двор, при што засадија повеќе садници цвеќиња. Освен во дворот, активности имаше и во училиштето. Во училишните ходници поставени беа саксии цвеќиња кои го разубавија и обоија просторот.
Како последна активност по повод Денот на планетата Земја беше чинот на прогласувањето на победниците на литературниот и ликовниот конкурс „Планетата земја бара спас“.
Во една од просториите на гимназијата, организирано беше предавање за учениците и прикажани беа презентации со еколошка содржина, по што, комисијата по ликовна уметност и комисијата по македонски јазик и литература ги прогласија победниците и тоа:
За литературно дело - песна:
ПРВО МЕСТО
ВТОРО МЕСТО
ТРЕТО МЕСТО
За ликовно дело:
ПРВО МЕСТО
ВТОРО МЕСТО






Организатор на целиот настан беше Еко клубот од гимназијата под координација на Евгенија Димитриовска и професорите Николче Богданоски, Дејан Стерјовски, Снежана Спиркоска, Дарко Ристески и Филип Ристески.
Сите права се задржани. СОУ Гимназија „Мирче Ацев“ Прилеп
Copyright © 2010 - 2025
www.gimprilep.edu.mk. All rights reserved.