МК  |  EN  |  FR  |  DE  

гимназија

Средно општинско училиште

Гимназија „Мирче Ацев“ Прилеп

Официјална веб страна на СОУ Гимназија „Мирче Ацев“ Прилеп
facebook logo tviter logo youtube logo vikipedija logo
биди гим

Ивана Мазнејкова освои сребрен медал на натпреварот за роботика „Робомак“

 робомак 2025
Ивана Мазнејкова, трета од десно

   Од 12 до 14 мај 2025 година на Факултетот за електротехника и информациски технологии – Скопје се одржа натпреварот „Robomac Junior“ во организација на ФЕИТ и Институтот за електроника (ИЕЕЕ). На натпреварот учествуваа 54 ученици од четврта година, поделени во 2 категории и во тимови по тројца ученици од различни училишта.

   На натпреварот од нашата Гимназија учествуваа Ивана Мазнејкова, Марија Бардакоска, Сара Пројческа и Милена Сваќароска – ученици во четврта година под менторство на професорката Анета Стојческа.

   Ивана Мазнејкова освои сребрен медал.

   Во рамки на категоријата „Автономна мобилна роботика“ натпреварувачите имаа задача да програмираат и управуваат со мобилни Arduino роботи кои самостојно, брзо и прецизно требаше да ги решат зададените предизвици. Задачите вклучуваа избегнување на препреки, следење на патека и интелигентно паркирање.

роботика 25

   Во категоријата „Паметна електроника за автономни возила“ учесниците се соочија со предизвикот да осмислат и развијат алгоритам за конкретна намена користејќи вградени компјутерски системи. Во процесот беа користени електронски сензори, електрични мотори и соодветни драјвери, а алгоритмот се програмираше на јазик погоден за Arduino платформи.

robomak 25 site

   Двете категории бараа комбинација од техничко знаење, логичко размислување и практична примена на современи технологии, при што учениците ги демонстрираа своите вештини и креативност во областа на роботиката и вградливите системи.

   Покрај натпреварот, настанот имаше и едукативен дел, каде професори и експерти одржаа кратки предавања за роботика, вештачка интелигенција и електроника.

 

   Браво за Ивана и за менторот!


Објавено на: 25 Мај 2025

 

Други настани



Сите права се задржани. СОУ Гимназија „Мирче Ацев“ Прилеп
Copyright © 2010 - 2025
www.gimprilep.edu.mk. All rights reserved.

QR Код
гимназија