МК | EN | FR | DE
Во петокот, на 11 август, во нашата Гимназија, со пригодна свеченост, доделени им беа дипломите на матурантите од генерацијата 2019-2023.
Настанот започна со интонирање на македонската химна, по што пред присутните кратко излагање имаше в.д. директорката на училиштето, Весна Михаиловска. Таа на матурантите им ја честиташе матурата и им посака успех во понатамошното образование и живот.
Потоа следуваше чинот на прогласување на Првенец на генерацијата. За првенец на генерацијата прогласена е Софија Гешоска.
Во своето обраќање, Софија им се заблагодари на сите професори и вработени во гимназијата, како и на сите соученици, од кои ја имала поддршката изминатите четири години, потенцирајќи дека сите имаат заслуга и придонеле за тоа што го постигнала.
Награди им беа доделени и на учениците кои од почетокот до крајот на гимназиското образование, континуирано во сите периоди имале петки по сите предмети. Наградени беа: Ивана Стојаноска, Лариса Кајџаноска, Никола Мавчев, Нина Небрежанец, Викторија Танеска и Софија Гешоска.
По ова, класните раководители, им ги доделија дипломите на матурантите.
Следуваше мала забава, со музикчкиот избор на поранешниот гимназијалец Иле Јосифоски (DJ IKKI), и секако неизбежната фото сесија.
Фотографија:
Марија Темемеле
Сите права се задржани. СОУ Гимназија „Мирче Ацев“ Прилеп
Copyright © 2010 - 2025
www.gimprilep.edu.mk. All rights reserved.